Daar is ’n groot verskeidenheid muesliprodukte op die mark. Hoewel muesli baie vesel en ander voedingstowwe bevat, is dit ook dikwels versoet en bevat dit neute wat die energiewaarde daarvan baie hoog maak. Om hierdie rede is die porsie wat jy kan eet daarvan baie klein. Indien jy ernstig is daaroor om gewig te verloor, sal ons aanbeveel dat jy niks meer as een keer per week muesli eet nie, en wel ’n suikervrye opsie en die porsie afweeg – 25 g is een porsie.
