Ongelukkig is daar geen dieetplan wat spesifieke areas van die liggaam teiken nie. Namate jy gewig verloor, sal die vet rondom jou middellyf ook afneem en sal jy ’n slanker middel kry. Mense met ’n appel-tipe liggaamsbou is gewoonlik ook insulienweerstandig – wat dit nog meer belangrik maak vir jou om gewig te verloor, aangesien jy ’n groter risiko het om diabetes te ontwikkel as mense wat vet om hulle heupe stoor. Maar jy is op die regte plek! Die 60 dae-eetplan en -oefenprogram is net wat jy nodig het vir ’n gesonder mooier jy!
