Wanneer frustrasie, woede, seer en ’n magdom ander negatiewe emosies vir ’n lang tyd deel van ’n verhouding is, is dit geen verrassing as die woord “skei” opduik nie. Of jou huwelik verby is en of daar nog iets oor is om voor te baklei, is nie ’n maklike besluit nie – veral nie as jou verhouding liefdeloos voel nie. “Die hartseer waarheid is dat my eie pad nie altyd die maklikste een was om te loop nie,” sê Gretha Wiid, aanbieder van die KURSUS Aanhou probeer of eerder skei?

Dink jy jy is nie goed genoeg vir jou huweliksmaat, kinders, kerk of vriende nie? Nie goed genoeg vir God nie? “Almal van ons het al foute gemaak, mislukking ervaar en teleurstelling in ons lewe gevoel. Al hierdie ervarings beïnvloed ’n persoon se geloof in haar eie vermoëns,” sê Liesel Krause-Wiid, skrywer, predikant en aanbieder.