Hoe jy opstaan, is wat saak maak

In die 6 week-lewensafrigtingsprogram Hoe jy opstaan, is wat saak maak deel Voelgoed se mentors soos Gustav Gous, Lynette Beer, Jannie Putter en Liesel Krause-Wiid die resep om teleurstelling, terugslae en mislukking te verwerk.

• Kry die regte houding teenoor ’n krisis!

Vir baie beteken ’n krisis dat die “eindfluitjie blaas” en hulle voelverpletter, deels omdat hulle die verkeerde vrae vra. Hulle vra: “Waarom ek?” in plaas van: “Wat nou?”

Jou lewe kry sin, nie deur dinge beter te verstaan nie, maar deur dinge anders te doen!

Jy moet probeer om eerder aan ’n krisis te dink as ʼn struikelblok tot ’n boublok, en ’n trapklip tot ʼn doel.

• Moenie dat ’n terugslag ’n mooi toekoms bederf nie

Ons laat te maklik toe dat een gebeurtenis ons hele lewe definieer, maar jou lewe bestaan uit soveel meer!

Dit maak nie saak wat met jou gebeur het nie. Jy is nog steeds jy en daar is nog steeds ’n volmaakte plan vir jou lewe.

Los al jou oortollige bagasie agter, dan sal jy sommer gou daardie vrede, blydskap en vervulling vind wat jy so lankal begeer.

• Wat dit beteken om soos ’n wenner te dink

Jou lewe verloop nie altyd soos jy dit graag wil hê nie, maar dit beteken nie dat verandering en probleme jou heeltemal van stryk moet bring nie.

Geestelike krag gee vir jou die uithouvermoë om uit jou foute te leer sonder dat dit jou heeltemal breek.

Dit is daardie stemmetjie in jou agterkop wat jou aanpor om aan te hou en elke keer weer op te staan, al gaan dit hoe moeilik.

• Ontdek God se perfekte plan vir jou lewe

As jy deur ’n moeilike tyd gaan of ’n lewensbelangrike besluit moet neem, moenie bekommerd wees nie.

God wil nie Sy wil op mense afdwing nie. Hy gee vir ons die vryheid om te kies. En die enigste ding wat Hy nie wil hê ons moet kies nie, is die sonde.

Maar ons het natuurlik ’n verantwoordelikheid ook. Wat jy nodig het, is iets wat vir altyd sal bly: vrede te midde van jou omstandighede!

• As jy wil hê daar moet iets nuuts in jou lewe gebeur, moet jy sorg dat jy ’n aksieplan opstel!

As jy die dinge neerskryf wat jy graag in jou lewe wil bereik, kan jy dit een vir een behoorlik ontleed en ondersoek en kan daar iets van kom.

Hoekom is hierdie dinge vir jou belangrik? Hoekom het jy nog nie hierdie dinge nie? Hoe, dink jy, sal dit wees as jy uiteindelik kan kry wat jy begeer?

• In hierdie program sal jy elke week die geleentheid kry om ʼn droombord te skep. ’n Droombord is ’n visuele herinnering aan jou begeertes, doelwitte en drome.

Blaai deur tydskrifte en kyk selfs aanlyn vir prente, foto’s en aanhalings. Die hoofdoel is om so spesifiek en kreatief te wees as wat jy kan wees.

Hoe wil jy hê jou lewe moet lyk? Wat wil jy bereik? Wanneer iets met jou hart praat, knip dit uit vir jou bord!

Sluit aan by Voelgoed se mentors vir ’n spesiale, enig-in-sysoort lewensafrigtingsprogram wat jou help om teleurstelling, terugslae en mislukking te verwerk.

• Word deel van ’n eksklusiewe, geslote Facebook-groep. En skakel weekliks op ’n Donderdag om 20:00 in vir ’n inspirerende Facebook LIVE-sessie, aangebied deur een van ons mentors.